Летнюю працу з дзецьмі ва ўстанове дашкольнай адукацыі прынята называць аздараўленчай.

Гэтым вызначаецца асноўная яе мэта - стварэнне спрыяльных умоў для захавання і ўмацавання фізічнага здароўя выхаванцаў, у тым ліку дзяцей з асаблівасцямі псіхафізічнага развіцця (далей – АПФР), іх эмацыйнага дабрабыту.

У ходзе летняга аздараўлення вырашаюцца задачы:

1. фарміраванне культуры здароўя дзяцей з дапамогай арганізацыі і правядзення комплексу мерапрыемстваў,

у тым ліку стварэння здароўезберагальнага прадметна-развіццёвага асяроддзя, накіраваных на павышэнне адаптыўных і функцыянальных магчымасцяў арганізма выхаванцаў, у тым ліку з АПФР;

2. Выхаванне культуры бяспекі жыццядзейнасці на аснове практычнага прымянення дзецьмі ранняга і дашкольнага ўзросту, у тым ліку з АПФР, правілаў бяспечных паводзін у працэсе вырашэння праблемных (гульнявых) сітуацый у розных відах дзіцячай дзейнасці;

3. Фарміраванне асноў эстэтычнай культуры выхаванцаў сродкамі музычнага і выяўленчага мастацтва, мастацкай літаратуры.

З другога чэрвеня наша дашкольная ўстанова пераходзіць на працу ва ўмовах летняга рэжыму. У адпаведнасці з Кодэксам Рэспублікі Беларусь аб адукацыі працягласць летняга аздараўленчага перыяду (летніх канікул) ва ўстанове дашкольнай адукацыі складае 92 дні (з 1 чэрвеня па 31 жнівеня).

Арганізацыя дзейнасці ўстаноў дашкольнай адукацыі ў летні перыяд патрабуе дбайнай падрыхтоўкі.

Медыцынскія работнікі арганізацый аховы здароўя і педагагічныя работнікі ўстаноў дашкольнай адукацыі ўзаемадзейнічаюць па пытаннях забеспячэння летняга аздараўлення выхаванцаў праз арганізацыю і кантроль санітарна-эпідэміялагічнага рэжыму, распарадку дня, харчавання, санітарнага стану памяшкання і інш.

Паказчыкамі гатоўнасці ўстановы дашкольнай адукацыі да летняга перыяду з'яўляюцца:

- наяўнасць і спраўнасць стацыянарнага гульнявога і спартыўнага абсталявання, плёскальных басейнаў;

- наяўнасць гульняў і цацак, спартыўнага інвентару, вучэбных выданняў, сродкаў навучання для арганізацыі розных відаў дзіцячай дзейнасці;

- функцыянаванне палівальнай сістэмы;

- забеспячэнне замены пяску ў шматфункцыянальных пясочніцах з крышкамі, якія зачыняюцца (наяўнасць адпаведнага суправаджальнага дакумента);

- засетчанасць вокнаў ва ўстанове дашкольнай адукацыі.

З мэтай стварэння спрыяльных умоў для знаходжання выхаванцаў ва ўстанове дашкольнай адукацыі арганізуецца праца па выяўленні ў законных прадстаўнікоў выхаванцаў патрэбы ва ўстановах дашкольнай адукацыі ў летні перыяд.

Пры скарачэнні колькасці выхаванцаў у летні перыяд дапускаецца перафарміраванне груп ва ўстанове дашкольнай адукацыі, у тым ліку ў рознаўзроставыя групы, або іх закрыццё; наведванне ўстановы дашкольнай адукацыі навучэнцамі першых класаў, размешчаных на яго базе.